![Alpine A290 потврден за 13-ти јуни Alpine A290 потврден за 13-ти јуни](https://avtoklub.mk/wp-content/uploads/2024/04/SavethedateRevealAlpineA290-16-9-768x432.jpg)
По премиерата на електричниот Renault 5 E-Tech на 26 февруари, сега и официјално е потврдено дека спортскиот хечбек Alpine A290 (базиран на гореспоменатиот Renault 5) ќе го види светлото на денот на 13 јуни, за време на тркачкиот Ле Ман. Викенд…
Автомобилот ќе се базира на архитектурата на Renault CMF-B EV, која A290 ќе ја дели со Renault 5 E-Tech. Двата автомобили споделуваат слична силуета и основна форма, но A290 нуди уште поспортски став, благодарение на пошироката патека на тркалата и пакетот за аеро каросерија, заедно со изменетата внатрешност со спортски волан Alpine со Nappa кожа.
Alpine веќе потврди дека идниот A290 ќе биде долг 3990 mm, широк 1820 mm, висок 1520 mm, со меѓуоскино растојание од 2530 mm.
Alpine вели дека тие се решиле на гумите 225/40 R19 со Michelin, што сугерира дека A290 ќе добие релативно големи тркала од 19 инчи како стандард.
Серискиот автомобил ќе преземе многу стилски елементи од концептот Alpine A290_β прикажан минатата година.
A290_β ја следи стратегијата за именување на брендот Alpine која ја вклучува буквата A проследена со три броја.
Првиот број одговара на големината на возилото. „90“ е типично за повеќенаменските спортски возила на марката, познати како „lifestyle“, додека чисто спортските возила го носат бројот „10“.
Грчката буква „β“ (бета) во името на концептот вообичаено се однесува на бета тестовите што се користат во светот на софтверот, пробна верзија, пред конечното издание.
Се очекува серискиот A290 да биде придвижуван од електричен мотор со моќ од 160 kW/218 КС од Renault Megane E-Tech Electric. Тој мотор има 300 Nm максимален вртежен момент во Megane, па A290 би требало да забрза до 100 km/h за помалку од 7 секунди.
Со батерија со капацитет од приближно 52 kWh, досегот со едно полнење на истата ќе биде 383 km.
Во текот на 2027 година треба да се појави посилна верзија, со моќ од околу 270 КС.