![Ariel Nomad 2 Ariel Nomad 2](https://avtoklub.mk/wp-content/uploads/2024/07/ariel-nomad-2-5-768x432.jpg)
Ariel за фестивалот на брзина во Гудвуд (Goodwood Festival of Speed) го најави теренскиот модел Nomad 2 кој на британскиот пазар ќе има цена од 67.992 британски фунти…
Како што е наведено, Nomad 2 се разликува од својот претходник по речиси сите механички детали, но останува целосно верен на исклучително успешниот оригинален концепт.
Најголемата механичка промена на Nomad 2 е усвојувањето на 2,3-литарски со четири цилиндри турбо бензински мотор од Ford, достапен во неколку верзии на моќност, почнувајќи од 260 КС, па до 305 КС.
Забрзувањето од 0 до 100 km/h е 3,4 секунди.
Стандардна трансмисија е мануелниот Ford со шест брзини што обично го придружува овој мотор, но Ariel планира да понуди секвенцијален шестстепен менувач како опција.
Ariel Nomad 2 добива сопирачки од моделот Atom (дискови од 288 мм), а ќе има и стандарден ABS. Вклучени се и контрола на тракцијата и контрола на стабилноста.
Автомобилот е долг 3400 mm, висок 1475 mm, растојанието помеѓу оските е 2396 mm, а растојанието од подлогата е 231 mm.
Конечно, клиентот може да избере помеѓу неколку комплети тркала, од 16 до 18 инчи.