Changan претставува верзија на моделот на пик-ап Hunter со технологија за проширен опсег (EREV)…
Во зависност од верзијата, овој камион може да се придвижува од еден или два електромотори со помош на 2,0-литарски турбо бензински мотор, кој работи исклучиво како генератор на енергија.
Верзијата со еден електромотор, поставен на задната оска, генерира 177 КС. Помоќната верзија со погон на сите тркала има два електромотори, при што оној на предната оска произведува дополнителни 95 КС. Во двата случаи, 2.0-литарскиот турбо бензински мотор, кој развива 190 КС, делува исклучиво како генератор на електрична енергија, а оваа технологија во Кина станува се поинтересна за производителите.
Двата модели имаат иста литиум-железо-фосфатна батерија од 31,18 kWh, која во електричен режим обезбедува опсег од 180 километри според многу дарежливиот кинески CLTC циклус. Но, суштинската моќ на овој концепт е 2.0-литарскиот бензински мотор, според Klix.ba.
Генерирајќи електрична енергија за електричните мотори, бензинскиот мотор му обезбедува на овој атрактивен пикап автономија од дури 1.031 километар. Она што е повеќе фасцинантно и малку чудно, производителот на автомобили тврди дека без разлика на верзијата со погон на задните или четири тркала, автономијата е сосема иста.
Возилото е долго 5.380 mm и меѓуоскино растојание од 3.180 милиметри. Клиентите можат да ја изберат продолжената варијанта со двојна кабина, која носи подолг товарен простор, но и поголема вкупна должина на возилото од 5.630 mm и подолго меѓуоскино растојание од дури 3.430 милиметри. Од друга страна, Changan Hunter сè уште има прилично скромна носивост од само 495 килограми.
Што се однесува до цените во Кина, кои треба да се земат со резерва во остатокот од светот, почетниот модел Hunter Warrior Edition Deluxe со еден мотор и стандарден товарен простор започнува од 139.900 јуани, што е приближно 19.700 долари.
Верзијата со погон на сите тркала чини 149.900 јуани (21.090 долари).
Подолгите варијанти се само 1.000 јуани (142 долари) поскапи, јавуваат кинеските медиуми.
За споредба, еден од најприфатливите пик-ап модели во САД е Ford Maverick XL, чија цена започнува од 24.995 американски долари. Ако Changan реши да го извезе својот пикап во Америка, дефинитивно ќе биде најприфатливиот таму номинално, освен ако увозните даноци не го променат тоа, што е многу сигурно.