![Екс дизајнер на BMW, Крис Бенгл, го оценува новиот Xiaomi SU7 Екс дизајнер на BMW, Крис Бенгл, го оценува новиот Xiaomi SU7](https://avtoklub.mk/wp-content/uploads/2024/01/hqdefault-3.jpg)
Го знаете Крис Бенгл (Chris Bangle), тој беше долгогодишен дизајнер на BMW и дизајнираше некои од најконтроверзните автомобили на компанијата, кои ја поларизираа јавноста, но и (најчесто) се продаваа многу добро…
Американскиот дизајнер го напушти BMW во 2009 година и основаше своја дизајнерска и консултантска фирма. Сега тој е поканет во Кина да коментира за SU7, првиот електричен седан на Xiaomi.
Од производство на мобилни телефони до автомобили е долг пат, но се чини дека Xiaomi реши да го премине и пукаат од самодоверба, истакнуваат колегите од специјализираните портали.
Во видеото, кое го продуцираше Xiaomi, Бенгл го пофали дизајнот, нарекувајќи ги пропорциите избалансирани и беше исклучително импресиониран од внатрешноста.
На крајот, тој вели дека SU7 не е претерано конструиран и дека оние кои го создале треба да бидат многу горди на него. Актуелниот дизајнер на Xiaomi, Соер Ли (Sawyer Li), е поранешен дизајнер на BMW, кој не работеше со Bangle, но ја следи неговата дизајнерска филозофија.
„Ова е вистински почеток “- изјави Бангл за дизајнот на SU7, а она што не можеме да го знаеме е дали услугите на господинот Бенгл биле платени. Тоа значително ја менува целата приказна.
Со пофалби за неговите хармонични линии, SU7 е моќен автомобил. Во својата најмоќна верзија има два мотори со 664 КС (495 kW) кои го забрзуваат возилото до 100 km/h за само 2,78 секунди, додека батеријата од 101 kWh овозможува автономија од околу 800 km.