![Ineos Grenadier Quartermaster Chassis Cab Ineos Grenadier Quartermaster Chassis Cab](https://avtoklub.mk/wp-content/uploads/2024/03/INEOS-Grenadier-Quartermaster-Chassis-Cab-001_cmqxr2-768x433.jpg)
Ineos ја претстави новата верзија на Grenadier, наменета за специјални возила и конверзија на LKV…
Ineos Grenadier Quartermaster Chassis Cab се базира на постоечки пикап, но доаѓа со изменет заден дел, кој служи како „празно платно“ за различни компании.
Каросеријата и шасијата со двојна кабина со пет седишта се исти како пикапот Quartermaster. Истото важи и за меѓуоскиното растојание кое е за 305 mm подолго од Grenadier Station Wagon.
Верзијата Chassis Cab му олеснува на Grenadier да се претвори во пикап со рамно лежиште, комбе, специјализирано возило за итни случаи или кампер со капацитет на влечење од 3.500 килограми.
Џорџ Ретклиф (George Ratcliffe), комерцијален директор во Ineos Automotive, рече: „Во првата година од лансирањето на Grenadier, веќе видовме голем број специјализирани конверзии, особено во службите за итни случаи, како што се пожарникарите, полицијата и копненото спасување, така што лансирањето на оваа верзијата е природен чекор што ја води нашата теренска експертиза до многуте комерцијални области за кои е потребен 4×4.
Ineos Grenadier Quartermaster Chassis Cab е достапен со 3.0-литарски шестцилиндрични бензински или дизел мотори од BMW, исклучиво поврзани со осумстепен автоматски менувач ZF.
„Grenadier Quartermaster Chassis Cab“ ќе се гради во поранешната фабрика на Mercedes во Хамбах, Франција, веднаш до моделите Quartermaster и Station Wagon. Во Велика Британија цените започнуваат од 53.180 британски фунти.