Калифорнија донесува закон со кој се бара од вашиот автомобил да дава звучни предупредувања ако ја надминете дозволената брзина…
До крајот на деценијата, автомобилите во Калифорнија најверојатно ќе бидат опремени со звучен систем за предупредување за брзина. Државниот Сенат донесе нов закон со кој се бара сите возила што се продаваат или произведени во Калифорнија да имаат пасивни ограничувачи на брзината почнувајќи од 2027 година.
Половина од сите нови возила мора да ја имаат технологијата до 2029 година, а сите до 2032 година.
Исклучок ќе бидат возилата на службите како што се полицијата и итните служби, а тоа ќе биде пасивен систем кој со звучни и светлосни сигнали го предупредува возачот доколку ја надмине дозволената брзина на патот за 10 милји на час (16 км/ч.).
Според тоа што го пренесуваат информативните агенции, новата регулатива е усвоена откако Националниот одбор за безбедност на сообраќајот на САД препорача Националната управа за безбедност во сообраќајот на автопатите (NHTSA) да бара технологија за интелигентна помошна брзина (ISA) на новите автомобили, која ги предупредува возачите за брзо возење. Останува уште гласање во Собранието на Калифорнија пред да стане закон, што мора да се случи до 31 август.
Целта на законот е да се намали бројот на несреќи и смртни случаи поврзани со пребрзо возење. Една третина од смртните случаи во сообраќајот во Калифорнија помеѓу 2017 и 2021 година се токму поради брзо возење. „Овие смртни случаи може да се спречат“, рече во изјавата промоторот на законот Скот Винер (Scott Wiener).
Системот ISA не е ништо ново. Се појави во далечната 1980 година во Франција, а има пасивна верзија, која само предупредува и активна верзија, која физички го спречува брзото возење.
За потсетување, калифорнискиот закон е сличен на оној што стапува на сила оваа година во Европската унија, кој бара сите автомобили што се продаваат во регионот да имаат пасивни ограничувачи кои звучно и визуелно го предупредуваат возачот.