Кинеските производители на автомобили се сè поамбициозни на европскиот пазар, а еден од најагресивните планови доаѓа од Xpeng. Релативно младата марка на електрични возила има за цел да стане еден од најголемите играчи во Европа, таргетирајќи ги резултатите на долгогодишните европски и светски гиганти.
Амбициозен план: Половина милион возила годишно во Европа
На Салоном за автомобили во Париз, претседателот на компанијата, Хе Ксиаопенг, откри дека Xpeng до крајот на децетијата планира да продава милион возила годишно глобално, од кои дури половина (околу 500.000 единици) треба да се пласираат на европскиот пазар.
Ова претставува огромен скок за компанијата која дебитираше во Европа кон крајот на 2020 година во Норвешка и во изминатите шест години продаде околу 60.000 возила. Доколку ја остварат целта, според актуелните пазарни пропорции, кинескиот производител би ги надминал брендовите како Ford, Opel и Tesla, а би се доближил до резултатите на Kia.
Локална производна мрежа во Европа
За разлика од бројни конкуренти кои во целост се потпираат на увоз од Кина, Xpeng планира развој на сопствени капацитети во Европа. Компанијата преговара за соработка со локални производители со цел отворање ново или искористување на постоечко европско постројле, каде што би се произведувале модели од средниот сегмент со зголемен удел на локални компоненти.
Брендот веќе соработува со австрискиот производител Magna Steyr во Грац, каде се склопуваат моделите G6, G9 и електричната лимузина P7+. Во истиот погон неодамна успешна пробна фаза мина и новиот простран SUV модел G9L.
Новиот G9L со импресивни перформанси
Новиот G9L ќе биде достапен во целосно електрични изведби, како и во верзија со продолжувач на досегот (EREV) која комбинира 1,5-литров турбобензинец, електромотор и батерија од 63 kWh.
Најмоќните изведби испорачуваат 577 КС и 695 Nm вртежен момент.
Почетната цена за овој модел во Германија изнесува 74.600 евра.
Со агресивни стратегиски чекори, локална производствена мрежа и широка гама на возила, Xpeng покажува дека кинеските производители веќе не се само привремена појава, туку долгорочна закана за традиционалните автомобилски лидери на стариот континент.
