Електричните возила се прескапи во Европа, и тоа не само за нас, туку и во земјите од „развиениот Запад“.
Слично е и во САД, каде што возачите веќе речиси и не размислуваат за EV модели. Ние го знаеме тоа, дилерите го знаат и производителите на автомобили. Затоа што дури и најприфатливите модели сè уште се помалку достапни од еквивалентниот автомобил со мотор на внатрешно согорување, иако западните автомобилски марки возбудено зборуваат за „нивните платформи од следната генерација EV ќе донесат електрична технологија на улиците за илјадници евра помалку отколку што чинат моментално “.
Но, со оглед на неодамнешните вести од кинескиот производител на автомобили BYD, сето тоа изгледа залудно, пренесуваат светските информативни агенции.
BYD, всушност, направи уште еден чекор напред во кинеската ценовна војна и ја намали цената на својот најевтин EV модел Seagull ( Галеб), за 5 отсто, намалувајќи ја малопродажната цена на само 8.900 евра во Кина. Да, BYD нуди сосема нов електричен автомобил Dacia Spring за помалку од 10.000 долари, пренесува Reuters.
За споредба, Stellantis се возбудени поради можноста да го понудат новиот Citroen e-C3 на пазарот за помалку од 20.000 евра, Renault за неговата Petica за 25.000 евра, а VW прави напори да го понуди својот иден ID.2 за „ефтини“ 25.000 евра.
Работите изгледаат подеднакво мрачни во САД во контекст на цените на автомобилите, пишува порталот Carscoops. Најевтиното електрично возило што се нуди во Америка, Nissan Leaf, чини 28.000 американски долари, а дури и најевтиниот автомобил, малиот Mitsubishi Mirage, кој по големина е сличен на BYD, чини 16.700 долари.
Вистина е дека огромното мнозинство Американци веројатно никогаш не би купиле галеб, исто како што повеќето не би купиле Mitsubishi Mirage, но многу возачи во Европа и другите делови на светот би сакале таков, особено во големите градови.
Не е важно дали неговата батерија е мала (30 kWh) или дека користи помалку технолошка натриум-јонска батерија. Купувачите во Европа ќе бидат повеќе заинтересирани за реалниот употреблив опсег од 240 километри. Значи, ова не е воопшто безопасно, фактот што BYD може да си дозволи да продава електричен автомобил по толку ниска цена.
Тоа навистина ги поткопува западните производители, кои за да продаваат возила на кинескиот пазар мораат да ги „соблечат панталоните“ со цени, а од друга страна да го поздравуваат фактот што ЕУ воведува повисоки царини за кинеските автомобили во Европа.