![Најавен BMW i5 Touring Најавен BMW i5 Touring](https://avtoklub.mk/wp-content/uploads/2024/01/2-2-3-768x432.jpg)
На електричната BMW i5 седан верзија наскоро ќе ѝ се придружи и по практичната i5 Touring варијанта…
Автомобилот ќе има премиера следниот месец, а како најава служи ново тизер видео. BMW i5 Touring ќе изгледа идентично со седанот i5 од напред, додека најголемите разлики секако ќе бидат продолжениот покрив и задниот дел со различен сет на светла во споредба со седанот.
Како што се очекуваше, гамата BMW i5 Touring ќе вклучува верзија со погон на задните тркала на i5 eDrive40 (кај седанот, eDrive40 доаѓа со единечен електричен мотор со 340 КС и 430 Nm, со батерии од 81,2 kWh и 10-80 проценти полнење за 30 минути на брз полнач), како и врвната варијанта i5 M60 со два мотори (601 КС и 820 Nm, батерија од 81,2 kWh) и погон на четири тркала.
Додека максималниот опсег за i5 M60 во форма на седан е повеќе од 500 километри, караванот ќе може да покрие помала километража од таа бројка со едно полнење на пакетот батерии.
Внатрешноста на i5 Touring исто така ќе го дели својот изглед и технологија со целосно електричниот седан. Накусо, тоа значи 12,3-инчен дисплеј на возачот и заоблен екран на допир со најновиот информативно забавен систем iDrive на BMW.