![Nissan Note Autech Crossover Nissan Note Autech Crossover](https://avtoklub.mk/wp-content/uploads/2024/05/2024-Nissan-Note-Autech-Crossover-main-768x432.jpg)
Како и стандардната хечбек верзија на третата генерација на моделот Note на Nissan, која беше обновена уште порано, сега неговата (про) теренска варијанта Note Autech Crossover помина низ модернизација…
Во оваа прилика, Note Autech Crossover доби модифицирани браници и маска, како и префинети светла и нов дизајн на тркалата.
Покрај тоа, Note Autech Crossover има и лакови на тркалата со црни заштитни капаци, заштитни елементи на браниците, сребрени ретровизори, носачи на покривот и поголем клиренс (160 mm за погон на предните тркала и 165 mm за погон на четири тркала верзија).
Единствената значајна иновација во кабината е попространата кутија за ракавици.
Автомобилот е достапен како хибрид со инсталација e-Power: 1.2 бензинскиот мотор има 82 КС (работи само како генератор), додека предните тркала ги придвижува електричен мотор со 116 КС. Електричниот мотор со 68 КС е поставен на задната оска на верзијата со погон на четири тркала.
Рестилизираниот Nissan Note Autech Crossover ќе се продава во Јапонија веќе во септември оваа 2024 година, но цените се веќе објавени. Верзијата со погон на предните тркала чини од 2.756.600 јапонски јени ( или пресметано во европски банкноти 16.160 евра), а со погон на четири тркала од 3.063.500 јени (17.960 евра).