![Повеќе од 300 милиони патнички автомобили крстосуваат по европските патишта Повеќе од 300 милиони патнички автомобили крстосуваат по европските патишта](https://avtoklub.mk/wp-content/uploads/2024/03/Krasula_Shutterstock_1561724425_RV-768x432.jpg)
Европската асоцијација на производители на автомобили (ACEA) објави интересни податоци за бројот на патнички автомобили во Европската унија (со исклучок на Бугарија и Малта), Велика Британија и земјите од ЕFТА или Европската асоцијација за слободна трговија, која ги вклучува Исланд, Лихтенштајн, Норвешка и Швајцарија…
Според нивните податоци, на европските патишта возат 297.170.530 автомобили, што претставува зголемување од еден процент во однос на годината пред тоа. Ако ги вклучиме изоставените Бугарија и Малта, како и другите земји од Стариот континент, кои не се вклучени во статистиката на АCЕА, можеме слободно да кажеме дека во Европа има повеќе од 300 милиони патнички автомобили.
Не е чудно што Германија се уште е на врвот, според новинските агенции. Најголемата европска земја по население (околу 84,6 милиони), која исто така е меѓу апсолутно најмоќните економски земји во светот, има речиси 49 милиони автомобили.
Следна е Италија со 40 милиони, што е малку изненадувачки. Со население од околу 58,8 милиони жители, оваа јужноевропска земја е зад Франција (68,2 милиони) и Велика Британија (67 милиони), но ги надминува по бројот на автомобили, затоа што Италијанците очигледно ги сакаат возилата на четири тркала.
Интересен напредок постигна и Полска, која во 2022 година го престигна петтото место Шпанија, иако оваа медитеранска земја има поголемо население (околу 48,5 милиони наспроти 37,7 милиони Полјаци).
Како резултат на тоа, Полјаците се први кога станува збор за статистиката за бројот на автомобили на 1.000 жители. Полјаците бележат 703 автомобили на секои 1.000 жители, додека просекот на Европската унија е 574.
Број на автомобили по земја (во милиони):
Германија – 48,76
Италија – 40,21
Франција – 38,85
Велика Британија – 37.05
Полска – 26.45
Шпанија – 25,64
Холандија – 9,23
Романија – 7,86
Чешка – 6,42
Белгија – 5,87 …
Број на автомобили на 1.000 жители:
Полска – 703
Луксембург – 695
Италија – 681
Кипар – 664
Естонија – 638
Исланд – 629
Чешка – 611
Германија – 586
Словенија – 580
Австрија – 574 …