![Премиерата на Porsche Macana EV е потврдена за 25 јануари Премиерата на Porsche Macana EV е потврдена за 25 јануари](https://avtoklub.mk/wp-content/uploads/2024/01/Porsche-Macan-EV-Teaser-2-1024x723-768x542.jpg)
Porsche претходно најави дека производството на електричниот Macan ќе се одвива во фабриката во Лајпциг, Германија, додека сега објави дека неговата официјална промоција ќе се одржи на 25 јануари…
Со цел да се подготви за производство на целосно електричниот SUV, Porsche во последните години ја надградуваше локацијата во Лајпциг. Целиот производствен капацитет веќе целосно се напојува со електрична енергија од обновливи извори, а во иднина германскиот производител на автомобили ќе може на истата производна линија да произведува модели со внатрешно согорување, хибридни возила и Macan EV.
Macan EV ќе биде изграден на платформата „Premium Platform Electric“ (PPE) на Porsche и Audi, при што Macan EV ќе користи електрична архитектура од 800V.
Porsche исто така наведува дека коефициентот на отпор Cd е само 0,25.
Macan EV ќе се напојува со два електрични мотори со вкупно 612 КС и 1000 Nm максимален вртежен момент (во врвната верзија), додека литиум-јонските батерии се 100 kWh (на брз полнач, 22 минути ќе бидат доволни за полнење 10- 80% од капацитетот).
Досегот со едно полнење во сите верзии ќе биде повеќе од 500 километри.
Распределбата на тежината ќе биде 48/52 напред/назад, а возилото ќе има управување на задните тркала како и систем за управување со активна суспензија на Porsche (PASM).
Врвните верзии стандардно ќе добијат Porsche Torque Vectoring Plus, електронски контролирана блокада на диференцијалот на задната оска.
Исто така, во понудата ќе има тркала до 22 инчи.
Што се однесува до внатрешноста, има типични елементи што се фокусирани на возачот, што пак е карактеристика заеднички за сите модели на Porsche. Исто така ќе има и до три екрани, плус опционален heads-up дисплеј со проширена реалност. Тој систем го претвора ветробранското стакло во вид на четврти екран, прикажувајќи карактеристики како стрелките за вртење или растојанието до возилото напред.
Тука треба да се наведе и 12,6-инчен дигитален дисплеј за возачот, потоа 10,9-инчен централен информативно забавен екран, како и опционален екран за патникот.
Ново за Macan EV е проширената употреба на внатрешно амбиентално осветлување.
Централната конзола исто така ја има истата контролна табла за климатизација што ја има кај моделите Cayenne и кај Panamera.