На интернет се појави ново видео кое прикажува како би можела да изгледа следната генерација на популарниот модел BMW 3 Series. Станува збор за неофицијален рендер кој е направен врз основа на достапни информации, шпионски фотографии и новиот дизајнерски правец на германскиот производител BMW.
Според најавите, идната генерација на „тројката“ ќе добие помодерен и поедноставен дизајн инспириран од новата дизајнерска филозофија на брендот. На предниот дел се очекуваат потенки светла и редизајнирана препознатлива „бубрежна“ маска, додека задниот дел би можел да добие поелегантни и издолжени светлосни групи.
Покрај освежениот изглед, новата BMW 3 Series треба да донесе и значителни технолошки подобрувања во внатрешноста, со модерни дигитални екрани, нов инфозабавен систем и напредни системи за асистенција при возење.
Се очекува моделот да продолжи да нуди бензински и дизел мотори со одреден степен на електрификација, додека паралелно би можела да се појави и целосно електрична верзија која ќе биде дел од новата генерација на електрични модели на BMW.
Иако станува збор за неофицијални визуелизации, тие даваат добра претстава за тоа во која насока би можел да се движи дизајнот на следната генерација на еден од најважните модели на германскиот производител.