![VinFast најави изградба на фабрика во Индија VinFast најави изградба на фабрика во Индија](https://avtoklub.mk/wp-content/uploads/2024/01/images-4.jpg)
Виетнамската компанија VinFast објави дека планира да изгради своја фабрика во Индија.
Новиот објект ќе биде лоциран во Thoothukudi и се очекува да чини до 2 милијарди долари (1,8 милијарди евра).
Во првата фаза од проектот се инвестираат 500 милиони долари (456 милиони евра), а VinFast вели дека тоа е „значаен чекор“ на третиот по големина пазар на возила во светот.
Изградбата треба да започне кон крајот на оваа година, а се очекува фабриката да вработи меѓу 3.000 и 3.500 луѓе и да има годишен капацитет до 150.000 единици.
Се очекува фабриката да стане трет производствен капацитет на VinFast и најголема инвестиција во историјата на индиската држава Тамил Наду. Компанијата, исто така, планира да отвори дилерска мрежа низ Индија, која „ќе воспостави силно присуство на бренд и брзо ќе се поврзе со клиенти низ целата земја“.
Компанијата, исто така, истакна дека „ќе ги искористи можностите за раст и за брзото проширување на пазарот на електрични возила (што би значило и дека ќе понудат електрични возила со попристапни цени за нивна поголема демократизација“.
Засега нема информации кои модели ќе се произведуваат во фабриката во Индија.