![Mansory Rolls-Royce Spectre Mansory Rolls-Royce Spectre](https://avtoklub.mk/wp-content/uploads/2024/03/Mansory-Rolls-Royce-Spectre-previewe-1-copy-768x432.webp)
Електричниот Rolls-Royce Spectre наскоро ќе добие комплетна Mansory програма за подесување, но за почеток е подготвен само нов сет на тркала …
Станува збор за тркала Mansory FD.15 од 23 инчи со полиран финиш и самонивелирачки централен Mansory амблем. Во наредните месеци ќе се појави и целосно модифициран Mansory Spectre, најавен со заматена слика на која се гледа профилот на автомобилот.
Пакетот ќе вклучува модифицирани браници, преден спојлер, комплет странични прагови, заден спојлер и неколку други различни опции на тркалата.
Дополнителните компоненти се во златна боја, со суптилна мат црна боја што го покрива остатокот од каросеријата.
Покрај тоа, понудата ќе вклучува и бројни опции за доработка на ентериерот.
Очигледно, Mansory нема да го допре електричниот погон кој има моќ од 430 kW/584 КС и 895 Nm максимален вртежен момент.