![Цените на користените Tesla модели почнаа рапидно да паѓаат споредено со пазарниот просек Цените на користените Tesla модели почнаа рапидно да паѓаат споредено со пазарниот просек](https://avtoklub.mk/wp-content/uploads/2024/03/hqdefault-1.jpg)
Додека моделите на Tesla долго време ја држат својата цена, пазарната вредност на користените модели на Tesla забележа значителен пад во последните две години, надминувајќи го просечниот пад на цената на пазарот на половни автомобили, се вели во извештајот на iSeeCars…
Заклучно со крајот на минатата година, просечната вредност на користените автомобили „Теslа“ само во претходниот месец падна за 4,8 отсто, што е значително повисоко од падот од 1,5 отсто забележан за сите половни автомобили во истиот период. Овој тренд не е ограничен само на Тесла; забележано е забрзано намалување на вредноста на plug-in хибридните возила, пренесуваат новински агенции.
Според најновиот извештај за пазарот на половни автомобили, вредноста на половните автомобили паѓа за прв пат по повеќе од две години.
Сепак, моделите на Tesla се меѓу оние кои доживеаја најголем пад. Поточно, цените на користениот Моdel 3 паднаа за 16,8 отсто меѓу септември и декември 2022 година.
Ситуацијата дополнително се искомплицира на 13 јануари 2023 година, кога Tesla објави значително намалување на цените за своите нови модели.
Ова прилагодување на цената, кое имаше за цел да се усогласи со неодамнешните промени во владините политики, доаѓа во време кога индустријата се соочува со опаѓање на продажбата и зголемување на залихите, особено забележано во Tesla.
Се чини дека тие мерки се преземени за да се осигури дека новите Teslas ќе продолжат да го наоѓаат својот пат до клиентите во сè понестабилно економско опкружување.
Како најавата за намалување на цената на новите возила на Tesla влијаеше на пазарот на половни автомобили?
Анализата на iSeeCars покажа пад од 4,8 отсто на вредноста на користените возила на Tesla забележан помеѓу 3 и 11 јануари, непосредно пред објавувањето, во споредба со периодот од 15 до 31 јануари, веднаш по намалувањето на цената.
Половниот Model 3 особено се издвојува со пад од 5,2 отсто, додека најмал пад забележаа цените на користениот Model X од 3,9 отсто.
Овие падови резултираа со намалување на цените од 2.354 долари за Model 3, 2.816 долари за Model Y, 3.370 долари за Model X и дури 4.626 долари за Model S, сето тоа за помалку од еден месец, потврдувајќи го трендот на побрз пад на вредноста.
Се чини почнува тежок период за производителите на EV, а пред се за Tesla.