![XPeng најавува нов бренд на електрични возила со почетна цена од 12.500 евра XPeng најавува нов бренд на електрични возила со почетна цена од 12.500 евра](https://avtoklub.mk/wp-content/uploads/2024/03/646249905cd814001883d595.webp)
Кинеската компанија XPeng најави лансирање на нов бренд чија цел ќе биде да пласира електрични модели од 12.500 до 20.000 евра…
Агресивното позиционирање на цените го објави производителот на 20 март и ги претстави своите планови за лансирање на овој бренд, чија цел е да достигне нова клиентела: млади луѓе.
XPeng за прв пат ќе претстави возило со нова марка за кинескиот пазар, пренесуваат специјализираните портали.
На почетокот еден модел, но можеме да сметаме дека нема да застане тука. Комерцијализацијата на овие идни електрични автомобили веројатно нема да запре на границите на Кина.
Ова го најавува кинескиот производител во своето соопштение.
XPeng вели дека сака да создаде нова сорта на паметни електрични возила со вештачка интелигенција за младите купувачи ширум светот. Компанијата има намера да ги направи технологиите за вештачка интелигенција и автоматизираните системи за помош на возачот централни за новиот бренд.
Извршниот директор на XPeng Хе Ксијаопенг има големи планови.
Тоа се гледа и во плановите на компанијата, која неодамна се обврза да инвестира 450 милиони евра во развој на нови технологии кои ќе го направат возењето уште попаметно.
XPeng, исто така, планира да вработи 4.000 нови работници за да ги поддржи своите амбиции и да го забрза меѓународното проширување.
Инаку во контекст на информациава вреди да се рече дека Volkswagen има и малцински удел во XPeng, поточно 4,99% oд сопственоста на кинеската компанија.