Поради најавата на ЕУ за зголемување на тарифите за електричните возила од кинеско производство, компанијата Теslа најави дека од јули ќе ја зголеми цената на Tesla Model 3 на европскиот пазар, иако нивото на поскапување не е прецизирано…
Според извештајот на CNBC, извршниот директор на Tesla, Илон Маск (Elon Musk), рече дека цената на Tesla Model 3 на европскиот пазар ќе биде прилагодена од 1 јули поради царините на ЕУ, без да го открие конкретното зголемување.
Според извештајот на Teuters, Европската комисија (EK) објави дека почнувајќи од 4 јули тековната 2024 година, ќе воведе царини кои се движат од 17,4% до 38,1% за електричните возила увезени од Кина. Тарифните стапки ќе варираат во зависност од обемот на владините субвенции што ги добива секој производител на автомобили.
Мерката има за цел да ги спречи кинеските производители кои имаат корист од владините субвенции да го поткопаат пазарот со евтини електрични возила, а со тоа да ја оштетат автомобилската индустрија на ЕУ.
Не е јасно колкава тарифа ќе биде наметната за електричните возила на Tesla од кинеско производство. Европската комисија објави дека за Tesla ќе важи индивидуално пресметаната тарифна стапка. Исто така, дали Теsla Motors соработува со истрагата против субвенциите на властите на ЕУ, ќе влијае на применетата конечна тарифа.
Иако ЕУ одлучи да воведе високи царини за кинеските електрични возила, сепак постојат разлики во мислењата меѓу различните страни. Германската влада и автомобилската индустрија најжестоко реагираа, стравувајќи дека тоа би можело да разгори трговска војна меѓу Кина и ЕУ.
Според извештајот на Ксинхуа (Sinhue), цитиран од извори кои се во центарот на случувањата, фабриката на Теsla во Шангај е првата гига-фабрика (Gigafabric) на американскиот производител надвор од САД, која испорачува 947.000 возила во минатата 2023 година.
Според претходниот извештај на Barons, германскиот министер за транспорт Фолкер Висинг (Volker Wissing) изјави дека „Казнените тарифи на Европската комисија ги погодија германските компании и нивните премиум производи. Автомобилите мора да станат поевтини преку поголема конкуренција, отворени пазари и значително подобри деловни услови во ЕУ, а не преку трговска војна и пазарна изолација.