Тоа беше еден од првите модели на глобалните аспирации на тоа поле од Mercedes – Benz…
Електричниот кросовер се појави некаде пред доаѓањето на корона кризата и остана на пазарот само неколку години. Сфатен како електрична верзија на моделот GLC, што на крајот и беше, овој модел се избори на премиум пазарот со фер понуда во однос на вложеното и стекнатото.
Сепак, EQC очигледно не ги задоволи апетитите на Mercedes и моделот беше повлечен од пазарот. И никој не ни забележа. Имено, дури сега, одговарајќи на прашања на колегите од Motor1, Mercedes потврди дека последниот примерок од моделот е произведен во вториот квартал од минатата година. Ова го потврди Јан Вебер (Jan Weber), меѓународниот портпарол на под-брендот EQ.
Индикации дека такво нешто ќе се случи, претходно објави Business Insider, кој во 2022 година објави дека моделот ќе биде укинат во мај 2023 година. Интересно, Мерцедес не реагираше до овие денови, според пренесуваат информативните агенции.
EQC се врати
Сепак, ова име не исчезна засекогаш. EQC наводно се враќа, но како име за сосема поинаков модел. Ќе биде ривал на Tesla Model 3, а ќе се базира на платформата Modular Mercedes Architecture.
Опремен со понапредни батерии и со подобрена аеродинамика, новиот EQC може да понуди рекорден опсег во својата класа.
И тоа ќе биде само еден од адутите каде што се очекува доаѓањето на електричниот BMW Series 3, како и на Audi A4. Во секој случај, ќе биде интересна втора половина од деценијата.