Германскиот производител Mercedes-Benz сепак нема целосно да се откаже од својот популарен компактен модел Mercedes-Benz A-Class. Наместо тоа, брендот планира A-класата да добие наследник кој ќе пристигне кон крајот на деценијата, но како целосно електричен автомобил.
Актуелната генерација на Mercedes-Benz A-Class, претставена во 2018 година, ќе остане во производство уште неколку години и се очекува да се продава најмалку до 2028 година. Потоа треба да пристигне новата генерација, која ќе биде развиена според најновата електрична стратегија на производителот.
Според најавите, идниот модел ќе биде базиран на новата платформа MMA (Modular Mercedes Architecture), наменета првенствено за електрични автомобили. Оваа архитектура ќе овозможи подобра ефикасност, поголем досег и современи технологии поврзани со електричниот погон.
Интересно е што Mercedes-Benz планира да го задржи името A-Class и во електричната ера, наместо моделот да биде дел од посебната EQ серија. Германскиот бренд постепено се откажува од оваа номенклатура и сака да ги поедностави имињата на своите модели.
Во однос на дизајнот, новата генерација на Mercedes-Benz A-Class би требало да го задржи препознатливиот хечбек облик, но со помодерни пропорции и стил инспириран од најновите модели на брендот.
Со оваа одлука, Mercedes-Benz сака да ја задржи A-класата како влезен модел во својата понуда, но во иднина таа ќе биде дел од целосно електричната трансформација на брендот.