Кинеската Chery сака да започне со производство на автомобили во Европа и според некои извори би можела да ја користи фабриката во Барселона, која Nissan ја затвори во 2021 година…
Откако Nissan ја затвори фабриката, локалниот производител на електрични мотоцикли Silence работи таму, како и инженерските групи QEV и EV Motors. Како што сега стојат работите, EV Motors има целосна корпоративна контрола и е ангажирана во преговори со Chery.
Регионалната влада на Каталонија оваа недела испраќа деловни претставници во Кина за да разговараат со директорите на Chery.
Останува нејасно дали шпанската влада ќе понуди каква било помош за Chery, но таа годинава отвора два тендери со кои ги повикува компаниите да побараат вкупно 1,7 милијарди евра заеми и грантови за производство на електрични возила.
Сè уште не е јасно кои модели би ги направила Chery во Европа или колку единици очекува да произведува годишно.
Кинескиот производител на автомобили беше во преговори и со италијанската влада бидејќи размислуваше таму да ја основа својата европска база.
Извори изјавија за Auto News дека иако Chery останува во контакт со властите во Италија, доби малку повратни информации од Владата во Рим и сега се чини дека ја фаворизира Шпанија.