Сигурно сте погодиле: да, вашиот волан (управувач) е нај заразеното место во вашиот автомобил!!!
Вашиот волан ги носи микробите што ги донеле вашите раце од каде и да ве однел денот.
Дури и ако внимателно ја исчистите внатрешноста на автомобилот со правосмукалка и ја однесете во авто перална, вашиот волан сигурно нема да биде избришан толку чист како што треба.
12 проценти од луѓето никогаш не го чистат својот автомобил
Кога CarRentals.com спроведе истражување на 1.000 возачи во САД, одговорите покажаа дека 32 отсто од луѓето ги чистат своите автомобили само еднаш годишно.
Освен тоа, истражувањето покажало дека 12 отсто од луѓето никогаш не го исчистиле својот автомобил, пренесуваат информативните агенции и новинските редакции.
Ова не е добро затоа што автомобилот е се освен чисто место. Просечниот автомобил е дом на околу 700 различни видови бактерии, што е опасно ако сте некој што сака да јаде во својот автомобил.
Во истото истражување, CarRentals.com откри дека просечниот волан има 629 единици бактерии кои формираат колонија на квадратен cm, што е повеќе валкано и од капакот на јавен тоалет (172 CFU), екран на мобилен телефон (100 CFU) и копче на јавен лифт (313 CFU ).
Држач за чаши на второ место
Држачот за чаши не е далеку зад воланот во однос на нечистотија со просечни 506 CFU на квадратен сантиметар.
Според CarRentals.com, безбедносниот појас е трет нај валкан елемент во автомобилот, а внатрешната рачка на вратите е на четврта позиција на овој список на загадени делови во автомобилот.