Околу половина од сите нови автомобили се премногу широки за типичен паркинг простор во европските градови, според една нова студија, бидејќи се повикуваат да се смени трендот кон SUV/ crossover и поголеми возила…
Според Транспорт и животна средина (Transport & Environment), просечниот нов автомобил станува поширок за 1 см на секои две години, а типичната ширина на автомобилот сега е 180,3 см, што е повеќе од 177,8 см во 2018 година.
Групата вели дека меѓу 100-те најпопуларни автомобили во Европа, 52 се премногу широки за типичен уличен паркинг простор од 180 сантиметри во големите градови како Лондон, Париз и Рим.
Исто така, се вели дека зголемениот број на големи SUV модели „остава премалку простор за патниците да влезат и излезат од возилото“.
„Автомобилите се пошироки со децении и тој тренд ќе продолжи се додека не поставиме построга граница. Во моментов, законот дозволува новите автомобили да бидат широки колку камионите“, рече Џејмс Никс (James Nix), човекот што ја води политикат за возила во Transport & Environment.
„Резултатот се големи теренци/ SUV и пикап во американски стил кои се паркираат на нашите тротоари и ги загрозуваат пешаците, велосипедистите и сите останати на патот.
Истражувањето беше објавено додека Париз се подготвува да гласа за зголемување на таксите за паркирање за поголеми и потешки автомобили – особено SUV модели.
На 4 февруари се одржува референдум за тројно зголемување на цената на паркирањето за вакви возила, иако тоа не би се однесувало на жителите на Париз, туку на оние кои го посетуваат. Ни би додале дека се надеваме, дека тоа ќе биде така само на почетокот на примената на оваа нова регулатива, односно дека истата ќе се прошири и во другите, останатите, земји во светот.