Kиa најави дека на 9 јануари 2026 година на Brussels Motor Show ќе ја претстави сериската верзија на својот најмал електричен SUV — EV2. Моделот е наменет за урбано секојдневно користење и ќе биде најпристапната опција во понудата на Kia EV.
EV2 ќе се позиционира под досегашните EV-модели, како пристапен електричен SUV со компактни димензии и практичен дизајн. Производството ќе се одвива во Европа, со цел моделот да одговара на потребите на европските купувачи.
Дизајнот на EV2 ќе го следи препознатливиот стил на Kia — вертикални LED светла, „boxy“ SUV форма, покривен спојлер и аголно задно стакло. Внатрешноста е флексибилна и практична, со простор прилагоден за секојдневна употреба, како и модерни технологии за комфор и поврзување.
Со овој модел, Kia се обидува да го направи преминот кон електрична мобилност подостапен, нудејќи компактно и економично возило за градско живеење. EV2 ветува лесно паркирање, пониски трошоци и практичност за секојдневните потреби на возачите.