MG Motor и Arsenal најавија ново повеќегодишно партнерство со кое британско-кинескиот производител на автомобили ќе стане официјален автомобилски партнер на клубот…
Прославувајќи ја својата 100-годишнина оваа година, MG Motor ќе ги поддржува машките и женските тимови на Arsenal, а навивачите ќе го видат нивниот бренд претставен на стадионот Емирати (Emirates) и Медоу Парк (Meadow Park).
MG Motor и Arsenal, исто така, ќе работат заедно за да создадат привлечна содржина дизајнирана да ја вклучи глобалната база на навивачи на клубот, според информациите што ги пренесуваат информативните агенции.
![](https://avtoklub.mk/wp-content/uploads/2024/01/thumbnail2-1024x576.jpg)
Во 2023 година, MG продаде над 80.000 нови автомобили само на својот домашен пазар во Велика Британија и сега е цврсто етаблиран како еден од омилените брендови на електрични возила во земјата. Многу брзо ќе биде претставен и елитниот модел, кабриолет Cyberster.
Патем, врвниот MG4 EV на марката има освоено повеќе од 30 награди од неговото лансирање во 2022 година, вклучувајќи го и неодамнешниот What Car? каде што е прогласен за најдобар мал електричен автомобил на годината втора година по ред.