![Најавен електричен Volkswagen за околу 20.000 евра Најавен електричен Volkswagen за околу 20.000 евра](https://avtoklub.mk/wp-content/uploads/2024/05/volkswagen-kleinwagen-teaser-2024-01-768x512.jpg)
Volkswagen работи на развој на електричен модел за околу 20.000 евра, кој треба да стигне на пазарот на крајот на 2027 година, како дел од обновените напори на автомобилските компании да произведуваат електрични модели со пристапни цени….
Новиот EV ќе служи и како духовен наследник на градскиот автомобил e-Up и треба да понуди слична комбинација на компактно пакување и основна технологија. Исто така, некои медиуми претходно сугерираа дека може да се именува Up или ID.1.
Volkswagen ги чува деталите во тајност, но потврди дека нивниот одбор на директори го одобрил проектот и дека дебито е планирано за 2027 година. опсег од околу 20.000 евра“.
ЕV е создаден за Европа, а тизер сликата го прикажува футуристичкиот хечбек.
Извршниот директор на групацијата Volkswagen, Оливер Блум (Oliver Blume), истакнува: „Генерации луѓе ги поврзуваат силните брендови на групацијата Volkswagen со нивниот прв автомобил – и со пристапна мобилност. Како група со силни брендови, продолжуваме да ја преземаме оваа општествена одговорност до ден-денес. Затоа сум многу задоволен што започнуваме проект ориентиран кон иднината. Станува збор за основна електрична мобилност од Европа за Европа“.
Извршниот директор на брендот Volkswagen, Томас Шефер ( Thomas Schäfer), додава: „За електромобилноста да стане широко распространета, потребни се атрактивни возила, особено во почетниот сегмент. Нашето ветување е: електромобилност за сите“. Тој истакнува дека „и покрај атрактивната цена, нашите електрични автомобили ќе поставуваат стандарди во почетниот сегмент во однос на технологијата, дизајнот, квалитетот и корисничкото искуство“.
Автомобилот, меѓу другото, ќе му конкурира на четвртата генерација на Renault Twingo, кој се планира да биде лансиран во 2026 година како електричен хечбек, со проектирана цена слична на VW ID.1.
Повеќе информации се очекуваат поблиску до лансирањето, но Volkswagen веќе го развива „Семејството на електрични градски автомобили“ најавен од концептот ID.2all, кој ќе пристигне до крајот на 2025 година. Се очекува поставата да се состои од компактен Volkswagen и crossover модел, како и SUV на Škoda и моделите Cupra. Сите четири модели ќе се произведуваат во Шпанија и барем некои од нив ќе чинат помалку од 25.000 евра.
Развојот на батериите е клучен за намалување на цената на автомобилите, при што групацијата Volkswagen става голем акцент на развојот на унифицирана технологија за ќелии на батерии што може да се примени кај сите нејзини брендови и потенцијално да ги намали трошоците до 50%.