![Toyota Hilux EV ќе пристигне до крајот на 2025 година Toyota Hilux EV ќе пристигне до крајот на 2025 година](https://avtoklub.mk/wp-content/uploads/2024/03/toyota-hilux-revo-bev2-768x432.jpg)
Шефот на Toyota во Тајланд ги објави плановите за целосно електрична варијанта на популарниот пик-ап на брендот – моделот Hilux и тоа веќе до крајот на следната година….
Во декември 2022 година, Toyota на јавноста за прв пат го покажа концептот Hilux BEV и тоа на церемонијата на која јапонскиот производител ја прослави 60-годишнината од своето работење во Тајланд.
Тоyota тогаш не даде детални информации за возилото, но навести дека барем дел од развојот на EV пикапот е направен во Тајланд, каде што Hilux е многу популарно возило.
Оваа недела, Toyota Thailand потврди дека сериска верзија на овој електричен пикап е така речено тука, зад аголот, но не прецизираше каде ќе се произведува истиот.
Компанијата исто така ја проучува и можноста за воведување електричен Hilux на европскиот пазар.