Во Германија има, да ги наречеме, големи ценовни војни на производителите на електрични автомобили …
Целта е да продадеме што повеќе и да се позиционираме како најголема сила на најмоќниот европски пазар. Моделот Y на Tesla беше најпродаваниот електричен автомобил во Германија минатата година, со приближно 45.800 нови регистрации. Сепак, Tesla ја загуби титулата за најпродавана електрична марка во земјата, а победник беше Volkswagen.
Продажбата на електрични VW се зголеми за 12 отсто на 70.628 возила минатата година, додека обемот на Tesla падна за девет отсто на 63.685 продадени автомобили, пишува Automotive News Europe.
Теslа сега ги намали цените на Model Y во Германија. Така, тој се приклучи на Volkswagen, кој исто така ги коригираше цените, како и кинескиот BYD. Теslа ги намали цените за Model Y Long Range и Model Y Performance за 5.000 евра на 49.990 евра и 55.990 евра во Германија, што претставува попуст од 9 проценти и 8 проценти во однос на претходните цени, пренесуваат специјализираните портали.
Исто така, ја намали цената на моделот Y со погон на задните тркала за 1.900 евра, или 4,2 отсто, на 42.990 евра. VW, од друга страна, финансира субвенции за електрични возила од својата каса, откако германската влада ненадејно ги повлече стимулациите. Се разбира, ако купите ID.3, ID.4… Тоа се големи попусти, само VW не ги нарекува така во маркетиншка смисла.
И BYD ги намалува цените на електричните возила во Германија, особено за својот компактен теренец Atto 3. BYD продаде само 4.140 автомобили во Германија минатата година, но се стреми кон 10 отсто удел на пазарот откако нејзината нова фабрика за автомобили во Унгарија ќе започне со производство за два или три години.