Ју Ченгдонг, директор на одделот за Smart Car Solutions на Huawei, рече дека партнерството на компанијата со JAC, имено нивниот заеднички електричен автомобил, ќе ги надмине Maybach и Rolls-Royce кога станува збор за луксуз и удобност…
Четвртиот заеднички проект на Huawei со JAC сè уште нема официјално име, но Ју Ченгдонг (Yu Chengdong ) веќе даде смели изјави, пренесуваат информативните агенции.
„Да, името сè уште не е познато, но тоа ќе биде автомобил од висока класа. Нашите цели го надминуваат нивото на Phantom на Maybach и Rolls-Royce. Ќе биде полуксузен и поудобен од овие автомобили“, вели Ју.
Проектот кој вклучува кинески електричен автомобил со цена од околу 140.000 долари, кој ќе им конкурира на гигантите како Rolls-Royce Phantom и Mercedes-Maybach S-Class, звучи доста амбициозно, но токму тоа е целта што Ју ја постави за гореспоменатата соработка.
Намерата е да се „наруши“ пазарот на ултра луксузни автомобили.
Првиот модел ќе биде пространа лимузина со целосно електричен погон. Овој ултра луксузен автомобил треба да дебитира во четвртиот квартал од оваа 2024 година и ќе биде позициониран како директен конкурент на водечките модели како што се BMW i7 и Mercedes-Benz EQS.
Новиот автомобилски бренд, создаден од Huawei и JAC, ќе ја претставува „четвртата област“ на проектот HIMA.
Оваа ултра луксузна понуда ќе биде над постојните партнерства на Huawei како што се врвниот Stelato (BAIC), Luxeed (Chery) од средната класа и AITO (Seres) фокусиран на SUV моделите.
Сите четири брендови и служат на младата демографска група, нагласувајќи ги високо технолошките карактеристики, како и практичноста во нивниот маркетинг.