Сопственикот на Tesla, Илон Маск (Elon Musk), изјави дека се противи на американските тарифи за кинеските електрични возила (ЕV) и не поддржува мерки што го нарушуваат пазарот…
Тој на технолошките инвеститори во Париз преку видео врска им кажа дека одлуките кои „ја попречуваат слободата на размена или го нарушуваат пазарот не се добри“, објави агенцијата Reuters.
„Ниту Теslа, ниту јас не ги побаравме овие тарифи, а всушност бев изненаден кога беа објавени“, рече Маск. Американскиот претседател Џозеф Бајден претходно овој месец воведе нови царини за низа кинески производи, вклучително и електрични возила, во обид да го поттикне производството во САД.
Агенцијата наведува дека администрацијата на Бајден задржала бројни тарифи воведени од поранешниот претседател Доналд Трамп, додека ги зголемила другите, вклучително и четирикратно зголемување на тарифите за електрични возила на повеќе од 100 проценти.
Белата куќа објави дека новите мерки ќе влијаат на увезената кинеска стока во вредност од 18 милијарди американски долари, пренесува агенцијата Танјуг.