BYD продолжува да го предизвикува светот…
Сега на ред е нивниот прв пик-ап, прво како PHEV, а малку подоцна и во целосно електрична верзија.
BYD не попушта. Кинескиот производител сега официјално влегува во играта на пик-ап, објавувајќи слики од камуфлираното возило на социјалните мрежи.
Очигледно е дека овој модел ќе биде силен конкурент на Ford Ranger и F-150 Lightning, Toyota Hilux, но и на уникатниот Tesla Cybertruck, ппренесуваат специјализираните портали.
BYD, чие име значи „изградете ги вашите соништа“, не прецизираше каде планира да го продаде новиот пикап, но истакна дека ќе биде наменет за „глобалните пазари“, според CNBC.
BYD брзо станува познат како глобален продажен предизвикувач на Tesla, со флота од достапни, но конкурентни електрични возила. Сепак, овој пикап не треба да биде нужно евтин, особено ако на некои пазари е погоден со тарифи.